ინგლისური ბიზნესისთვის

Callan for Business წარმოადგენს ქალანის მეთოდის უახლეს გამოცემას, რომელიც დაფუძნებულია ქალანის მეთოდით სწავლების ფუნდამენტურ პრინციპებზე, ამავდროულად კურსი მოიცავს 21-ე საუკუნის საქმიან გარემოში არსებული ლექსიკის, ფრაზეოლოგიისა და წერითი უნარ-ჩვევების შესწავლას.

აღნიშნული კურსი განკუთვნილია როგორც ბიზნეს, ასევე სხვა ნებისმიერ პროფესიულ გარემოში მოღვაწე ადამიანისთვის.

კურსზე რეგისტრაციისთვის აუცილებელია მსმენელის ზოგადი ინგლისური ენის ცოდნის დონე შეესაბამებოდეს ენათა ფლობის ზოგადევროპული კომპეტენციებით (CEFR) განსაზღვრულ მინიმუმ B1 დონეს.

ინგლისური ბავშვებისთვის

Super Minds წარმოადგენს კემბრიჯის უნივერსიტეტის უახლეს გამოცემას 5-დან 12-წლამდე ასაკის ბავშვებისთვის. აღნიშნულ კურსს ბავშვების ინგლისური ენის ცოდნა აჰყავს ენათა ფლობის ზოგადევროპული კომპეტენციებით (CEFR) განსაზღვრულ A2 დონემდე.

Super Minds-ის უნიკალურობა იმაში მგომარეობს, რომ იგი არ წარმოადგენს მხოლოდ ენის შემსწავლელ პროგრამას, არამედ გაცილებით მეტია ვიდრე მხოლოდ ინგლისური.

კურსი მოიცავს ასაკის შესაბამისი ინტერდისციპლინური თემატიკების როგორიცაა: მათემატიკა, ლოგიკა, მეცნიერება, ისტორია, ლიტერატურა და სხვა ინგლისურ ენაზე სწავლებას. ამავდროულად, დიდი ყურადღება ეთმობა ბავშვებში კრიტიკული და კრეატიული აზროვნების უნარების განვითარებას.

Super Minds-ის საგაკვეთილო პროცესი, კლასიკური სწავლების გარდა, ბავშვებისთვის საინტერესო, უამრავ სხვადასხვა ტიპის აქტივობებს აერთიანებს, როგორიცაა: თეატრალური დადგმები, მხატვრული წერა-კითხვა, კარაოკე, ვიდეოკე და სხვა. რაც მთავარია, ეს ყველაფერი მიმდინარეობს სამიზნე ენაზე, რის საფუძველზეც სასწავლო მასალა დაუყოვნებლივ გადადის ბავშვებისთვის საინტერესო და სახალისო კონტექსტში.

გამომდინარე იქიდან, რომ Super Minds სწავლების უახლესი მეთოდია, პროგრამა დაფუძნებულია სასწავლო პროცესში თანამედროვე ციფრული ტექნოლოგიების გამოყენებაზე, რაც კიდევ უფრო ხელს უწყობს 21-ე საუკუნის ბავშვებში სწავლის მოტივაციის ამაღლებას.

საბავშვო კურსების შესახებ დეტალურ ინფორმაციას გაეცანით ბმულზე: www.superkids.ge

სწავლა ინგლისში

BC Gateway წარმოადგენს ბრიტანული ცენტრის შვილობილ კომპანიას, რომლის საქმიანობის ძირითადი მიმართულებაა წამყვან საერთაშორისო საგანმანათლებლო ორგანიზაციებთან თანამშრომლობა.

ჩვენ, ნებისმიერ დაინტერესებულ მსურველს, ვაძლევთ შესაძლებლობას შეისწავლოს, გაიღრმაოს და პრაქტიკაში გადაიტანოს ინგლისური ენის ცოდნა დიდი ბრიტანეთის საუკეთესო სკოლებში.

Quality English წარმოადგენს საერთაშორისო საგანმანათლებლო ორგანიზაციას, რომელიც მთელს მსოფლიოში განსაზღვრავს ინგლისური ენის შემსწავლელ სკოლათა სწავლების ხარისხს.

BC Gateway გახლავთ Quality English-ის ერთადერთი ავტორიზებული საგანმანათლებლო პროვაიდერი საქართველოში, რომელიც უზრუნველყოფს გაცვლით სასწავლო პროგრამებს დიდ ბრიტანეთში მხოლოდ Quality English-ის მიერ აკრედიტებულ სკოლებში.

გაცვლითი პროგრამების შესახებ დეტალურ ინფორმაციას გაეცანით ბმულზე: www.bcgateway.ge

სტუდენტური ოლიმპიადა

ბრიტანული ცენტრის სტუდენტური ოლიმპიადა ინგლისურ ენაში - BC Challenge წარმოადგენს ყველაზე მასშტაბურ სტუდენტურ ოლიმპიადას საქართველოში, უპრეცედენტო საპრიზო ფონდით, გამარჯვებულ მონაწილეთა გამოვლენისა და დაჯილდოების უნიკალური სისტემით.

ოლიმპიადა BC Challenge-ის მიზანია:

• ინგლისური ენის პოპულარიზაცია
• სტუდენტებში სწავლისადმი მოტივაციის ამაღლება
• სამართლიანი, მიუკერძოებელი და გამჭვირვალე შეფასების სისტემის გამოყენებით ნიჭიერი სტუდენტების გამოვლენა და წახალისება

ოლიმპიადა ყოველწლიურად ტარდება თბილისში, ქუთაისსა და ბათუმში, თუმცა მასში მონაწილეობის მიღება შეუძლია საქართველოში არსებული ნებისმიერი უმაღლესი საგანმანათლებლო დაწესებულების როგორც საბაკალავრო, ასევე სამაგისტრო პროგრამის სტუდენტს.

ოლიმპიადა განკუთვნილია ინგლისური ენის ნებისმიერი ცოდნის დონის სტუდენტისთვის, რადგან გამარვებულ მონაწილეთა გამოვლენა და სხვადასხვა სახის პრიზებით დაჯილდოება ხდება ოლიმპიადის ყველა ეტაპზე.

სტუდენტური ოლიმპიადის შესახებ დეტალურ ინფორმაციას გაეცანით ბმულზე: www.bcchallenge.ge

ქოლინსის მეთოდი

ქოლინსის მეთოდი განკუთვნილია ისეთი ადამიანებისთვის, რომლებმაც მიაღწიეს ზოგადი ინგლისური ენის ცოდნის უმაღლეს საფეხურს და სურთ ცოდნის გაღრმავება ლექსიკური მარაგის გამდიდრების და ინგლისური ენის პრაქტიკაში გამოყენების კუთხით.

ქოლინსის მეთოდი მოიცავს ინგლისურენოვან ქვეყნებში გავრცელებულ ყველაზე პოპულარულ ფრაზულ ზმნებს, თანამედროვე ლექსიკას და იდიომატურ გამონათქვამებს. მასალა გამდიდრებულია სხვადასხვა ტიპის დიალოგებითა და სავარჯიშოებით. ასევე, მსმენელებს საშუალება ეძლევათ წყვილებში გამართონ დიალოგები ყოველდღიურ აქტუალურ თემებზე.

კურსი განსაკუთრებით ეფექტურია: თარჯიმნებისთვის, ინგლისური ენის პედაგოგებისთვის, ან მათთვის, ვისაც უბრალოდ სურს გაიმდიდროს ინგლისური ენის ლექსიკური მარაგი.